گوادر ڈویلپمنٹ اتھارٹی (جی ڈی اے) نے اتوار کے روز سنٹرل پارک کے قریب قائم 10 لاکھ گیلن گنجائش والی زیرِ زمین واٹر سٹوریج ٹنکی کو فعال کر دیا ہے۔ اس منصوبے کا مقصد شہر کے مختلف رہائشی علاقوں کو مستقل اور پائیدار پانی کی فراہمی کو یقینی بنانا ہے۔

یہ منصوبہ جی ڈی اے کے ڈائریکٹر جنرل، معین الرحمٰن خان کی خصوصی ہدایات پر مکمل ہوا۔ واٹر سٹوریج ٹنکی کے ساتھ ایک جدید پمپنگ اسٹیشن اور برقی نظام بھی نصب کیا گیا ہے تاکہ پانی کی ترسیل بغیر کسی رکاوٹ کے جاری رہے۔

کن علاقوں میں پانی کی باقاعدہ فراہمی شروع ہو چکی ہے؟

جی ڈی اے کے مطابق، درج ذیل علاقوں میں پانی کی باقاعدہ فراہمی کا آغاز ہو چکا ہے

فقیر کالونی ساؤتھ

جی ڈی اے کالونی

کلانچی پاڑا

نیا آباد

شنبے اسماعیل وارڈ

جبکہ فقیر کالونی نارتھ اور دھور گھاٹی میں نئی پائپ لائنز کی جانچ کا عمل جلد شروع ہونے والا ہے۔

گھریلو کنکشن حاصل کرنے کا طریقہ

جی ڈی اے نے شہریوں سے درخواست کی ہے کہ جو افراد پانی کا گھریلو کنکشن حاصل کرنا چاہتے ہیں، وہ جلد از جلد اپنی درخواستیں متعلقہ دفتر میں جمع کروائیں۔ جیسے جیسے پانی کی ترسیل کا دائرہ وسیع ہوگا، نئے کنکشنز کی فراہمی مزید آسان ہو جائے گی۔

اتھارٹی کے ترجمان کے مطابق، جی ڈی اے گوادر کے ہر شہری کو مستقل، صاف اور پائیدار پانی کی سہولت فراہم کرنے کے لیے پُرعزم ہے۔
زیرِ زمین واٹر سٹوریج ٹینک جیسے منصوبے اس بات کا ثبوت ہیں کہ گوادر میں بنیادی سہولیات میں تیزی سے بہتری آ رہی ہے، جو اسے رئیل اسٹیٹ اور دیگر شعبہ جات میں سرمایہ کاری کے لیے ایک پُرکشش مقام بناتا ہے–سنٹرل پارک، کینیڈین سٹی گوادر سے چند کلومیٹر کے فاصلے پر واقع ہے۔